പുന്നപ്ര
നോർത്ത് ഗ്രാമ പഞ്ചായത്ത്

ആലപ്പുഴ ജില്ലയിലെ അമ്പലപ്പുഴ താലൂക്കില്‍ അമ്പലപ്പുഴ ബ്ളോക്കിലാണ് പുന്നപ്ര വടക്ക് ഗ്രാമപഞ്ചായത്ത് സ്ഥിതി ചെയ്യുന്നത്. 12.17 ചതുരശ്ര കിലോമീറ്റര്‍ വിസ്തൃതിയാണ് ഈ പഞ്ചായത്തിനുള്ളത്. പുന്നപ്ര വടക്ക് പഞ്ചായത്തില്‍ 17 വാര്‍ഡുകളാണുള്ളത്. 2001-ലാണ് പുന്നപ്ര വടക്ക് ഗ്രാമപഞ്ചായത്ത് നിലവില്‍ വന്നത്. 2001-ലെ ത്രിതല പഞ്ചായത്ത് തെരഞ്ഞെടുപ്പോടെയാണ് പുന്നപ്ര പഞ്ചായത്ത് വിഭജിച്ച് പുന്നപ്ര തെക്ക്, പുന്നപ്ര വടക്ക് എന്നിങ്ങനെ രണ്ട് പഞ്ചായത്തുകള്‍ രൂപീകരിക്കുന്നത്. അവിഭക്ത പുന്നപ്ര പഞ്ചായത്തില്‍ 1985 വരെയും പുന്നപ്ര വില്ലേജ് ഒന്നുമാത്രമേ ഉണ്ടായിരുന്നുള്ളൂ. എന്നാല്‍ ഇപ്പോഴത്തെ പുന്നപ്ര, പറവൂര്‍ എന്നിങ്ങനെ രണ്ട് വില്ലേജുകള്‍ പഞ്ചായത്തു പ്രദേശത്തുണ്ട്. പ്രസിദ്ധമായ പുന്നപ്ര-വയലാര്‍ സമരം നടന്ന നാടാണിത്. പുന്നപ്ര നൂറ്റാണ്ടുകള്‍ക്ക് മുമ്പ് ബുദ്ധമത വിശ്വാസികളുടെ കേന്ദ്രമായിരുന്നു. പഞ്ചായത്തിന്റെ പ്രാരംഭ രൂപമായിരുന്ന പുന്നപ്ര വില്ലേജു...